میچ ئیڤانس هەر لە یەکەم دەرکەوتنییەوە لە فۆرمولا E لە ساڵی ٢٠١٦ ەوە وەکوو بەردی بناغەی پیشبڕکێی جاگوار TCS بووە. تاوەکو ئێستا میچ لە زیاتر لە ١٠٠ پێشبڕكێ لەگەڵ جاگواردا بەشداری کردووە، بە یەکەم بردنەوەمان لە فۆرمولاما E لە E-Prix ی ڕۆما لە ساڵی ٢٠١٩، ناوی خۆی لە نێو مێژووی تیمەکەدا نەخشاندووە. وەرزی پێشوو، میچ لە پاڵەوانێتی شۆفێراندا پلەی دووهەمی بەدەستهێنا، بە چوار سەرکەوتنی سەرسووڕهێنەر و حەوت جار بەدەستهێنانی ٣ پلەی سەرەتا.

ئەنتۆنیۆ فێلیکس دا کۆستا، هەر لە سەرەتای دامەزراندنی فۆرمولا Eـەوە، کەسایەتییەکی سەرەکی بوو، هەروەها پایەیەکی بڵندی هەیە بەهۆی ئەو شارەزاییە تەکنیکییەی کە هەیەتی و ناوبانگێکی گەورەی بەدەستهێناوە وەکو بەهرەمەندێکی سەرنجڕاکێش و پڕ بە دەستکەوت لە پێشبڕکێی ئۆتۆمبێلی کارەبایی. یاریزانە پورتوگالییە تەمەن 34 ساڵەکە لە یەکەم وەرزی پاڵەوانێتی ئۆتۆمبێلە تەواو کارەباییەکان بەشداریکرد لە ساڵی 2014 و لەو کاتەوە لە زیاتر لە 140 پێشبڕکێدا بەشداریکردووە و تێیدا نازناوی (Drivers' World Championship) بۆ ساڵی 2019/2020 بەشێوەیەکی سەرنجڕاکێش بەدەستهێنا، هاوشانی 12 نازناوی دیکە و 15 جار پلەی سێ یەکەمەکان و هەشت جار بەدەستهێنانی جێی پێشەوە لەکاتی پێشبڕکێکاندا.